Hilak 11, Des-kontrol eta Never Surrender musika taldeek Berlinen eskaini zuten kontzertua. Horretarako, Frontkick taldeko baxu jole ohiarekin kontaktua zeukaten bi taldeek lehenagotik eta honek Alemaniako hiriburuko Clash aretoan jotzeko gonbita luzatu zienean, baiezko biribilaz erantzun zioten Arrasateko bi taldeek.
Ostiral goizean irten ziren Never Surrender eta Des-kontrolekoak Berlin bidean eta domekan Arrasatera itzuli ziren bueltan. Herriko bi taldeak Slamtilt! talde alemaniarrarekin batera osatu zuten kartela eta Sala eta Iago ere izan ziren eszenatokiaren gainean kantu batzuk jotzen. Modu honetan herriko musika atzerrira zabaldu zuten eta giro aparta jarri zuten Clash aretoan.
Asteburu hartan zehar gogoratzeko moduko istorioak bizi izan zituzten eta lagun berriak egin zituzten bidean. Gogoz eta indarrez betetako emanaldia eskaini zuten bi taldeek eta egindakoarekin oso pozik geratu ziren musikariak, batzuentzat esperientzia berria zen hau eta.
Des-kontrol eta Never Surrenderreko taldekideak, baina, ez ziren bakarrik izan Berlinen. Zubia aprobetxatuz, zenbait herritarrek Alemaniako hiriburura joan eta egun batzuk pasa baitzituzten bertan. Hauek ederto ibili ziren hiriko txokoak ezagutzen eta baita kontzertuan ere.
No hay comentarios:
Publicar un comentario