Arraunketa Olinpikoko Euskadiko Distantzia Luzeko Txapelketa

Larunbat honetan, urtarrilaren 22an, arratsaldeko lauretan jokatuko da. Estropada hau Euskadiko Arraun Federazioak eta Hondarribia Arraun Elkarteak antolatu dute. Maila honetako arraunlariek hartuko dute parte: kadeteak, jubenilak eta seniorrak, honako ontzietan: 4- / 4X eta 8; neskak: 2X.


Denboraldiko lehen titulu ofiziala izango da lehian.
Seniorren zortzikoan honako ontzi hauek izango ditugu:Santurtzi, Donosti Arraun Lagunak, Ur-Kirolak, Santiagotarrak eta Hondarribia. Hondarribitarrek, iaz Nerbioiko uretan lorturiko titulua defendatu nahi dute.

Jubenilak eta seniorrak Puntxas ingurutik irtengo dira, eta kadeteak Behobiatik; baina guztien helmuga Bidasoa pasealekuan izango da, Puntal etxeen parean. Helmuga hemen kokaturik, zaletuek estropadaren azken metroak inongo eragozpenik gabe ikusteko aukera izango dute.